Talìa lu còdici di Ampere

{{Infobox unitati
|nomu = Ampere
|mmaggini =
|didascalia =
|sistema = [[Sistema 'ntirnazziunali di unitati di misura|SI]]
|grannizza = [[intinsitati di currenti]]
|simmùlu = A
|eponimu = [[André-Marie Ampère]]
|cancìamentu_CGS = ≈{{M|2.9979|e=9}} [[statampere|statA]]<br />{{M|0.1}} [[abampere|abA]]
|cancìamentu_P = ≈{{M|2.874|e=&minus;26}} [[Currenti di Planck|I<sub>P</sub>]]
}}

Lu ''''ampere''' (simmùlu: '''A''', alli voti abbriviatu cu ''amp'') eni l'unitati basi [[Sistema ntirnazziunali di unitati di misura|SI]] usata pì misurari l'[[intinsitati di currenti|intinsitati]] di la [[currenti elettrica]]. Essennu una di li setti unitati funnamintali dû sistema ntirnazziunali di unitati di misura, tutti li avutri unitati [[elettrumagnetismu|elettrumagnetiche]] sunnu dirivati da idda. Pì definizioni nu ampere eni l'intensitati di currenti elettrica ca, si mantinuta 'n dui [[Cunnutturi elettricu|cunnutturi]] lineari paralleli, di [[lunchizza]] infinita e sizzioni trasvirsali trascurabbili, misi a nu [[metru]] ri distanza l'unu da l'avutru ntô [[vacanti (fisica)|vacanti]], pruduci tra chisti na [[forza]] uguali a {{M|2||N|e=-7}} pì ogni metru di lunchizza.
Lu ampere pigghìa u sò nomu da lu [[fisica|fisicu]] francisi [[André-Marie Ampère]], unu di principali studiusi di l'[[elettrumagnetismu]].

=== 'N basi a li fenomeni elettrici ===
Lu ampere esprimi l'intensitati di currenti 'n nu cunnutturi attravissatu 'n qualunqui sizzioni da la [[carica elettrica|carica]] di nu [[coulomb]] ntô [[tempu]] di nu [[secunnu]].

Pì analugia, l'intensitati di currenti eni paragunabbili a la quantitati di [[acqua]] ca passa pì  nu tubbu misurata 'n [[chilugrammu|kg]]/[[secunnu]], dunni a massa d'acqua rapprìsenta a carica elettrica. Chista, cioè a quantitati di [[elettrùni]], si pò quinni esprimiri 'n [[amperùora]] (Ah), ossia a quantitati tutali di carica ca scurri, cu l'intensitati di nu ampere, 'n nu cunnutturi 'n nna ùora. Cu tali [[grannizza (fisica)|grannizza]], pì esempiu, si misura a carica massima accumulabbili da li battàrii: la battària di nu [[automòbbili]] cunteni circa 55&nbsp;Ah, chidda di la [[màchina fotugràfica]] 2500&nbsp;mAh.

Dintra l'ambitu di lu [[sistema ntirnazziunali di unitati di misura]] valinu li uguaglianzi:

:<math>1\,\mathrm{A} \ = \frac{1\,\mathrm{C}}{1\,\mathrm{s}} = \frac{1\,\mathrm{V}}{1\,\Omega} = \frac{1\,\mathrm{W}}{1\,\mathrm{V}}</math>

Cu "C" pì [[coulomb]], "s" pì [[secunnu]], "V" pì [[volt]], "Ω" pì [[ohm]] e "W" pì [[watt]]. L'assenza di [[coefficienti]] eni duvutu a lu fattu ca u sistema ntirnazziunali di unitati di misura eni nu sistema di misura ''coerenti'', ossia u pruduttu o lu quozzienti di cchìu unitati dannu luogo a na nova unitati di valuri unitariu.

'N basi a [[liggi di Ampere|liggi di Ampère]], l'ampere pò essìri definitu comu l'intensitati di currenti ca avi a scurrìri 'n dui fili cunnutturi di [[lunchizza]] infinita e posti a la distanza di nu [[metru]], affinché iddi si avvicinanu cu na forza uguali a {{M|2|e=-7}} N/m.

== Storia ==
Ntô [[1861]] a ''British Association for Advancement of Science'' (BAAS), disignò nu comitatu, di cui facevanu parti [[Lord Kelvin]] e [[James Clerk Maxwell]], ca 'n seguitu prupusi a definizzioni di almeno quattru unitati di misuri elettriche: [[tinsioni elettrica|tinsioni]], carica elettrica, [[currenti elettrica]] e [[risistenza elettrica|risistenza]].

Ntô [[1874]] a ''BAAS'' intrudussi u [[sistema CGS]] ([[centimetru]], [[grammu]], [[secunnu]]) definennulu ''coerenti'': i rilazzioni tra li unitati nun priavanu l'usu di alcun parametru o di fatturi di conversioni numerica, cu la conseguenza ca lu pruduttu o lu rapportu tra unitati dannu luogu a na nova unitati di valuri unitariu. Li unitati elettriche quinni vinianu dirivati da chiddi meccaniche.

L'assenza di unitati elettriche ntô CGS fu risolto parzialmenti dannu vita a dui sistemi distinti. Chiddi ''CGS elettrustaticu'' era basatu su la carica elettrica comu unitati, derivata da lu [[centimetru]], da lu [[grammu]] e da lu [[secunnu]], assìgnannu u valuri unitariu a la [[custanti dielettrica|permittivitati]] dû [[vacanti (fisica)|vacanti]] nna [[liggi di Coulomb]] su la [[forza]] di attrazzioni tra carichi elettriche. U sistema CGS elettrumagneticu (CGSem) nveci fissava uguali a 1 a [[permeabilitati magnetica|permeabilitati]] dû vacanti nna formula relativa a la forza ca si esercita tra dui poli magnetici. 'N chistu modu i dui sistemi eranu ''coerenti'', ma siparati.

Ntô [[1881]] a [[Parigi]] u primu ''International Electrical Congress'', appruvò i pruposti avanzati da lu BAAS, e ntô [[1893]], a [[Chicago]], cunvinni su la necessitati di custituiri na cummissioni ntirnazziunali pi l'unificazzioni di li [[unità di misura|unitati di misura]], punennu fini quinni a la siparazioni 'n dui sistemi.

Ntô [[1906]], a [[St. Louis]], vinni istituita l'''[[International Electrotechnical Commission]]'' (IEC) pi la definizzioni di li unitati elettriche.

'N tri diverse ''International Conferences on Electrical Units and Standards'', Berlino 1905, Londra 1908 e Washington 1910, si definiscinu dui unitati elettriche primarii suttamultipli di li currispunnenti unitati elettrumagnetiche dû [[sistema CGS]]: l'''[[ohm]] ntirnazziunali'' e l'<nowiki/>''ampere ntirnazziunali''.

=== U sistema Giorgi ===
Ntô [[1896]] u scinziatu talianu [[Giovanni Giorgi (fisicu)|Giovanni Giorgi]] criticò i particulari diminsioni di li quantitati elettriche du sistema a tri diminsioni. 'N accordu cu [[Heaviside]], pinsava ca a permettivitati e la permeabiliati esprimesseru sulu i proprietati fisichi du mezzu, cunnucennu a strani situazioni, comu na resistenza espressa ni li diminsione di na velocitati o na induttanza espressa comu na lunchizza.

Ntô [[1901]], Giorgi prupusi, pressu l'''[[Associazioni Elettrotecnica Italiana]]'' (AEI), di passari da nu sistema a tri diminsioni ([[lunchizza]], [[massa]], [[tempu]]) a unu a quattru diminsioni, introducennu na quarta unitati di natura elettrica e sostituennu a lu [[centimetru]] e a lu [[grammu]] rispettivamenti u [[metru]] e lu [[chilugrammu]]. Accussì u sistema addivintava ''coerenti'' 'n quantu da li quattru grannizzi funnamintali putianu facilmenti essìri dirivati tutti l'avutri. Giorgi suggirì di riformulari a teoria di fenomeni elettrumagnetici su la basi du novu sistema a quattru diminsioni, accussì da razziunalizzari li equazioni elettrumagnetiche e evitari l'usu di coefficienti e 'n particulari di putenzi du 10. Tali prucessu era possibbili cunsirvannu i valuri accittati da li unitati elettriche, si la permeabilitati di lu spazziu vacanti nun fussi assunta comu nu nummaru puru uguali a 1, ma fissata a nu valuri uguali a {{M|4π|e=−7||H}}/[[metru|m]].;

Ntô [[1927]] a la settima ''[[Conférence générale des poids et mesures]]'' (CGPM) si costituì ufficialmenti u ''Comité Consultatif d'Electricité'' (CCE), cu lu scopu di esaminari l'uriginali pruposta di Giorgi 'n cuntemporanea cu l'''[[International Union of Pure and Applied Physics]]'' (IUPAP) e avutri organizzazioni ntirnazziunali.

Ntô [[1935]] la IEC prupusi l'adozzioni du novu sistema Giorgi, basatu su metro, chilugrammu, secunnu e na quarta grannizza elettrica da scegliere 'n seguitu. Ntô stissu annu u ''[[Comité International des Poids et Mesures]]'', bracciu esecutivu di la CGPM, dissi ca da lu 1º [[jinnaru]] [[1940]] fussi ntruduttu u novu [[sistema ntirnazziunali di unitati di misura]] e ca fussi assuntu pi la permeabilitati du vacanti u valuri {{Exp|4π|−7}}H/m.

Ntô [[1939]] u CCE stilò na lista 'n cui vinianu difiniti li unitati elettriche pratiche 'n termini di metru, chilugrammu, secunnu e ampere (sistema MKSA). Comu unitati basi elettrica vinia sceltu l'ampere, definitu, comu ùoggi ntô sistema ntirnazziunali di unitati di misura, l'intensitati di currenti elettrica custanti, ca, vinennu mantìnuta 'n dui cunnutturi paralleli, rettilinei di lunchizza praticamenti nfinita, essennu trascurabbili u diametru, collocati ntô vacanti a la mutua distanza di {{M|1||m}}, determini u manifistarisi a lu metru di lunchizza di na forza ca applicata a nu corpu, caratterizzatu da la massa di {{M|1|k|g}}, signassi l'[[accilirazzioni]] di {{M|2|e=−7||m}}/[[secunnu|s²]].

Ntô [[1946]] u CIPM ufficializzò u sistema MKSA cu decurrenza ufficiali fissata a lu 1º [[jinnaru]] [[1948]], comu fu ratificatu u stessi annu da la nona CGPM. A scelta du ''sistema Giorgi raziunalizzatu'' o MKSA fu ratificata puru da la IEC nta riunioni a [[Parigi]] du [[1950]].

Ntô [[1960]], l'unnìcesima CGPM, a Parigi decisi:

# U sistema metricu funnatu su li sei unitati di misura basi: [[metru]]; [[chilugrammu]]; [[secunnu]]; ampere; [[kelvin]]; [[cannila (unitati di misura)|cannila]], eni disignatu cu lu nomu di "Sistema ntirnazziunali di Unitati di misura";
# L'abbreviazzioni ntirnazziunali di chistu sistema eni "SI".

== I campiuna di misura ==
A causa di li difficoltati nta misurazzioni di li forze tra dui cunnutturi, vinni prupostu u cusiddittu ampere ntirnazziunali o statampere: difinitu 'n termini di tassu di deposizioni di l'[[argentu]] (''l'ampere ntirnazziunali eni l'intensitati di na currenti ca, attravissannu na soluzzioni di [[Nitratu d'argentu|AgNO<sub>3</sub>]] [Ag [[Valenza (chimica)|monuvalenti]]], deposita a lu [[catodo]] {{M|0,001118||g}} di [[argentu]] 'n un secunnu''), eniuguali a 0,99985 A. Chista [[unità di misura|unitati di misura]] eni però cunsidirata ormai obsoleta.

Uora nveci a maggior parti di li istituti metrulogici nazziunali utilizza banchi di pile campiuni e resisturi pi lu mantenimentu di campiuna primari di l'ampere. U campiuni di intensitati di [[currenti elettrica]] eni ricavatu da la [[liggi di Ohm]] medianti dui campiuni, unu di [[Forza elettrumotrici|f.e.m.]] e unu di resistenza.
U campiuni di f.e.m. eni nu gruppu di [[Pila Weston|pile Weston]] saturi, cuntrullati medianti l'[[Giunzioni Josephson|effettu Josephson]]; chiddu di resistenza elettrica eni definitu comu a resistenza media di nu gruppu di 10 resisturi campiuni in [[manganina]] da {{M|1||Ω}}. Vulennu evitari l'influenza di li resistenze di cuntattu tra resistori e circuitu di misura, i resistori campiuni prisentanu na particulari realizzazioni a quattru morsetti, dui amperometrici esterni attraversu i quali u resisturi è suggettu a lu passaggiu di la currenti elettrica, e dui voltmetrici interni rispettu a chiddi amperometrici, dai quali si pigghìa a caduta di tinsioni causata da la circolazioni di la currenti elettrica.

== Talìa puru ==
* [[Amperometru]]
* [[Amperometria]]
* [[Volt]]
* [[Coulomb]]
* [[Watt]]
* [[Amperùora]]
* [[Iniensitati di currenti]]
* [[Currenti elettrica]]
* [[André-Marie Ampère]]

{{Unitati di misura}}

[[Catigurìa:Unitati di misura]]