Talìa lu còdici di Lòggica

La '''lòggica''' è la [[scienza]] chi tratta la validitati e l'articulazzioni di nu discursu 'n tèrmini di nessi [[nfirinza|nfirinziali]] - 'n particulari [[diduzzioni|diduttivi]] - rilativamenti ê prupusizzioni chi l'accumponnu. S'havi a [[Aristòtili]] - chi esaminau li cuncetti, li catigurìi, li prupusizzioni, li tèrmini e li [[silluggismu|silluggismi]] - la prima furmulazzioni dâ lòggica commu scienza prupidèutica a ogni pussìbbili canuscenza.

Lu cuntinutu di l'uggetti e l'urìggini d'iddi foru apprufunniti dâ lòggica [[Mediuevu|midevali]]. Cu lu [[Novum Organum]] [[Francesco Bacone]] circau d'accustruiri na nova metodoluggìa basata supra la [[nnuzzioni]] mpustannu la lòggica commu strummentu di nnàggini scintìfica. Ripigghiannu sti temi [[René Descartes]] circau di stabbiliri siddu lu riguri tìpicu di nu discursu [[matimàtica|matimàticu]] putissi èssiri â basi di quarsiasi sapiri, cumprisu chiddu [[filusufìa|filusòficu]].

Sempri supra lu càrculu matimàticu [[Thomas Hobbes]] pinzau la lòggica commu na cumminazzioni di signi e règuli. [[Gottfried Leibniz]] e li soi siquaci circaru appoi d'unificari lu cumplessu dî strutturi lòggicu/linguìstichi nta nu linguaggiu scintìficu univirsali, ossìa la "lòggica simmòlica e cumminatoria".

Ntô [[XVIII sèculu]] lu cuntribbutu dî currenti filosòfichi nun havi statu accussì mpurtanti pi lu sviluppu dâ lòggica muderna, e [[Immanuel Kant]] ntâ sò ''[[Crìtica dâ raggiuni pura]]'' addifinìu la [[lòggica trascinnintali]] commu chidda parti dâ lòggica ginirali chi tratta dâ pussibbilitati e dî mudalitati pi cui la canuscenza pò arrifirìrisi ê cuncetti mpìrici.

E' sulu ntâ secunna mitati dû [[XIX sèculu]] ca la lòggica attorna a studiari l'aspetti furmali dû linguaggiu, ovveru la [[lòggica furmali]], e a èssiri trattata cu mètudi naturalìstici di [[Christoph Sigwart]] e [[Wilhelm Wundt]], appurtannu cunziquentimenti ô sviluppu dâ [[lòggica matimàtica]].

La lòggica è la scienza di raggiunamentu. La lòggica aiuta pirsuni a addicìdiri quarcosa è veru o fàusu. 

N'asempiu pupulari, datu di [[Aristòtili]]:
# Ogni omu è murtali.
# Aristòtili è n'omu.
# Dunca, Aristòtili è murtali. 

Si liggi <math>\land</math> comu "e"; zoccu signìfica tutti li dui. 
Si liggi <math>\lor</math> comu "o"; zoccu signìfica armenu unu (una) dî dui. 
Si liggi <math>\Rightarrow</math> comu "ìmplica" o "siddu... allora... ". 
Si liggi <math>\lnot</math> comu "nun" o "Zoccu nun è lu casu ca...". 

Chistu è lu stissu asempiu cu l'usu di sìmmuli lòggici:
:<math> (omu \Rightarrow mortali) \land (Aristòtili \Rightarrow omu) \Rightarrow (Aristòtili\Rightarrow murtali) </math> 

E chistu è lu stissu asempiu cu l'usu di tèrmini ginirali:
:<math> (a \Rightarrow b) \land (c \Rightarrow a) \Rightarrow (c \Rightarrow b) </math>

Stamu parrannu di ''lòggica'' dâ causalitati ca trasìu tanticchia n crisi nta lu sèculu scorsu cu li scuperti dâ miccànica quantìstica unni asìstinu macari finòmina nun lucali.<br />
 Na clàusula è simpricimenti quarcosa comu "Aristòtili è n'omu" o "Ogni omu è murtali". Li clàusuli sunnu o veri o fàusi, ma nun ponnu èssiri veru e fàusu simultaniamenti. 

Asìstinu dichiarazzioni chi sunnu sempru veri. <math>(a \lor \lnot a)</math> è sempru veru. È chiamatu na tautoluggìa, p'asempiu: "Chiovi o nun chiovi". 

Li computer utilìzzanu la lòggica nta algoritmi. N'algoritmu è nu gèniri di quarcosa comu na rizzetta; parra a computer c'abbisogna fari e quannu abbisogna fari st'azzioni.

[[Catigurìa:Ritòrica]]
[[Catigurìa:Scienzi]]