Chilòmitru orariu
U chilòmitru orariu eni na unitati di misura di vilucitati, e veni normalmenti accurzatu 'n km/h. Chista unitati di misura nun fa parti dû sistema 'ntirnazziunali di unitati di misura, ca nveci usa u metru ô secunnu.
Nu chilòmitru orariu, comu eni facilmenti ntuibbili, eni a vilucitati nicissaria pì fari nu chilòmitru 'n na ura. Currìspunni a circa 28 cintìmitri ô secunnu. A grannizza di chista unitati a renni commìra pì innìcari a vilucitati nnâ vita di tutti i jorna, specialmenti pì ciò ca arriguarda i màchini
Esempi di vilucitati:
- Nu èssiri umanu camìna normalmenti cu vilucitati ca vannu da 3 a 5 km/h, e curri tra li 8 e li 36 km/h.
- A parti maggìuri dî màchini hannu na vilucitati massima ca va da 150 a 220 km/h.
Cunvirsioni
Arrìsulta alli voti utili cunvertiri i chilòmitri orari 'n metru ô secunnu (1 m/s eni a vilucitati nicissaria pì percorriri nu metru 'n nu secunnu, oppuri ntô podismu dunni si parra 'n minuti ô chilòmitru eni nicissariu dividiri 1000 metri pî i secunnu percorsi ô chilòmitru, multiplicannu doppu pì 3,6, avennu comu risultatu i km/h. A cunvirsioni arrìsulta assai facili, basta arrìcurdarisi ca 1 chilòmitru eni uguali a 1000 metri e ca 1 ura eni uguali a 3600 secunni:
Se si avi quinni na vilucitati 'n chilòmitri orari, pì avilla 'n metri ô secunnu basta dividiri i chilòmitri orari pì 3,6. Pì aviri nveci na vilucitati 'n chilòmitri orari da li metri ô secunnu, abbasta multiplicari pì 3,6.
Esempi:
- 10 km/h = 2,7 m/s (7 piriodicu)
- 50 m/s = 180 km/h
Pì passari da li migghia orari a li chilòmitri orari abbasta multiplicari u valuri pû coefficenti 1,61, mentri pì passari da chilòmitri orari a migghia orari abbisogna multiplicari u valuri pì 0,62:
- 1 mph ≈ 1,61 km/h
- 1 km/h ≈ 0,62 mph
Chilòmitru ô secunnu
U chilòmitru ô secunnu eni a vilucitati di nu corpu ca 'n nu secunnu percorri nu chilòmitru, ca currìspunni 3 600 chilòmitru a l'ura, ed eni quinni na vilucitati assai avuta nnâ vita di tutti i jorna. Si tratta di na vilucitati cchìuttostu vascia sia ntô campu astrunomicu, ca 'n chiddu micruscopicu dî particeddi elimintari. Pì esempiu, i pianeti si movinu ad alcuni decini di chilòmitri ô secunnu, mentre a parti maggiuri dî gallisii hannu vilucitati ca si misuranu 'n migghiaia di chilòmitri ô secunnu. I particeddi elimintari ponnu facilmenti muvirisi a frazziuni significativi dâ vilucitati dâ luci, ca eni pari a circa 300 000 km/s.