Vilucitati

La vilucitati è na misura fisica pi innicari la quantitati di spustamentu pi unitati di tempu. In formula si pò scriviri:

$v=\frac{\mathrm{\Delta }s}{\mathrm{\Delta }t},$

unni $\mathrm{\Delta }s$ ìnnica lu spustamentu fattu duranti lu tempu $\mathrm{\Delta }t$. Nurmarmenti si misura n Km/h (chilòmitri all'ura), in m/s (metra ô secunnu) o in Km/s (chilòmitri ô secunnu).

In fisica classica, la vilucitati dipenni dû sistema di rifirimentu inirziali aduttatu. Nfatti dû sistema di rifirimentu inirziali ponnu aviri na vilucitati rilativa nun nulla. Pi esempiu dintra nu trenu ca viagghia a 100km/h na pirsuna ca camina a 10Km/h (pi lu sistema di rifirmentu inirziali dô trenu) ntâ dirizziuni dû trenu viagghia a 110 Km/h rispettu ô sistema di rifirmentu inirziali dâ terra.

A vilocitati istantanea eni difinuta comu a 'ddirivata prima ra posizioni rispiettu o tiempu:

$v=\frac{ds}{dt}$

Na difinizioni ciù completa ra vilucitati si pò aviri tiniennu cuntu ca a vilucitati, aviennu na 'ddirezioni e nu viersu, eni un vitturi. A vilucitati vitturiali media eni u quozienti tra u vitturi spostamentu e u tiempu:

$\overrightarrow{v}=\frac{\overrightarrow{\mathrm{\Delta }s}}{\mathrm{\Delta }t}$

e a vilucitati vitturiali istantanea eni definita comu:

$\overrightarrow{v}=\frac{d\overrightarrow{s}}{dt}$

Siccomu l'integrali è l'opirazioni inversa ra 'ddirivata, putiemu scriviri macari ca:

$\mathrm{\Delta }s=\underset{t_0}{\overset{t_1}{\int }}v(t)dt$

Sta rilazioni vali macari pa vilucitati vettoriali e u vitturi spostamentu:

$\mathrm{\Delta }\overrightarrow{s}=\underset{t_0}{\overset{t_1}{\int }}\overrightarrow{v}(t)dt$

Template:Fìsica